VOV4.M’nông: Nkhêp geh tâm nchră gưl têh Hàn-Mỹ ƀư tâm rnôk hăn khâl Mỹ bah Tổng thống Hàn Quốc Moon Jae-in, 4 tập đoàn têh Hàn Quốc hŏ mbơh trong nchrăp ntuh kơl 44.000 rmen won (tâm ban 39,4 rmen đôlar) tâm Mỹ. Ta rnôk tâm nchră tăch rgâl Hàn-Mỹ ƀư mhe aơ ta nhih pah kan Bộ Thương mại Mỹ đah nău tât râng bah Tổng thống Hàn Quốc Moon Jae-in, hãng điện tử Samsung mbơh ntuh kơl 17 rmen đôlar gay ƀư nhih máy njêng chíp bán dẫn mhe ta Mỹ. Bar nhih măy njêng pin LG Energy Solution n'hanh SK Innovation n'glêh an ntrôl ngăch ƀư trong nchrăp ntuh kơl 14 rmen đôlar. Hãng ô tô Hyundai mbơh ntuh kơl 7,4 rmen đôlar gay pơk hvi ƀư njêng n'hanh ntŭk dŏng sạc ndeh ô tô điện ta Mỹ. Nhih máy njêng chíp bán dẫn SK Hynix mbra ntêm an 1 rmen đôlar gay njêng ntŭk rgum gŭ mĭn n'hanh hun hao têh ta Mỹ./.

Nuĭh rblang: Điểu Thân