VOV4.M'nông: Văn phòng chính phủ Mỹ nar ntri (02/08) an gĭt, tât aƀaơ, 70% nuĭh Mỹ hŏ dâk têh ndăm dơi chuh dŭt đêt du n'glai vaccine njrăng n'gang nuh srê Covid-19, mbrơi lơn du khay rđĭl đah nău ŭch tât bôk năp bah Tổng thống Joe Biden lah tât rnoh nê tâm nar 04/07. Giám đốc mât prăp nău lư Covid-19 bah Văn phòng Chính phủ Mỹ Cyrus Shahpar an gĭt, rnoh rĭng geh tâm pơh nar rlău bah ăp nuĭh mhe dơi chuh lah geh dŭt âk kơp ntơm bah nar 04/07. Rĭng geh lam dak Mỹ dôl tĭng ƀư nklăp 660.000 n'glai chuh ăp nar, rđĭl đah nklăp 500.000 n'glai tâm nar 20/07. Yơn lah, rnoh nê hôm đêt lơn rđĭl đah rnoh dŭt âk tâm khay 4 năm aơ, ri lam dak rĭng geh rlău 3 rkeh n'glai chuh ăp nar./.

Nuĭh rblang: Điểu Thân