VOV4.M’nông: Du hê nŭih nchră nau bah N’gâng kan Afghanistan ân gĭt du rmôt kan bah Chính phủ Afanistan, geh ăp n’gâng kan gưl prêh tât Qatar gay mâp ăp ntoh măt bah rmôt Taliban. Rmôt kan Chính phủ Afghanistan mra mâp ntoh măt Taliban rtâm rnôk ăp tahen bah rmôt aơ dôl tât ta thủ đô Kabul. Bar ding mra tâm nchră gay jao nau kan. Tâm nau tât, Kruanh n’gâng kan nchră nau Qatar-Mohamed bin Abdulrahman Al-Thani kuăl jă mô kan Taliban nsrŭng nau tâm lơh tâm lam nkuăl neh Aghanistan. Qatar đă Taliban ndâk du nau nsrŭng pănh, rgop nau ntrŭt dăng nau kan ân jêng du nau kan chính trị ăp ntil gay đăp mpăn du nau nâp ueh ân chính phủ ndrel bon lan Afghanistan./.

Nŭih rblang: H’Thi