VOV4.M’nông: Ai cập dôl ma nsôih gay ma jêng ntŭk kan ê nkra vắc xin tâm nkuăl jêh rnôk dak aơ mhe ký ton 2 nau nchrăp mpeh nau tâm boh ƀư nau kan ê nkra vắc xin Sinopharm bah Trung Quốc, nkre nchrăp nau kan e ẻnka n’ăp ma vắc xin Sputnik V bah Nga. Nau ký 2 nau nchrăp kan kŏ geh nsum tâm rnôk tâm boh nau kan mpeh ndoh ndơ dŏng ê nkra đah bar dak tâm nau kan aơ, gay mât đăp mpăn nau geh jêng tă bah vắ xin yor công ty Sinovac ê nkra, nkre tâm nchră, tâm mbơh rgâl ăp nau tă blau tâm nau kan ê nkra vắc xin bah Vacsera ta Ai cập, rgop nau n’huch oi nau ntưp rêng bah srê Covid-19. Kruanh n’gâng kan dak si Ai cập mbơh, nau nchrăp kan bôk năp geh tât nau kan jao ntil ndơ dŏng kan gay ma nkra vắc xin njrăng Covid-19, tĭng nê công ty Sinovac bah Trung Quốc mra pă ân ntŭk tâm boh kan Vacsera bah Ai cập săm ƀŭt ân dơi n’huch oi nau ân dŏng nau kan ê nkra ndrel nau blau ƀư nau kan ân nau dơi ê nkra vắc xin jêng ngăn./.

Nŭih rblang: H’Thi