VOV4.M’nông: Tâm rnôk hăn khâl Trung Đông, Bộ trưởng Ngoại giao Trung Quốc Vương Nghị hŏ hăn tât Ai Cập n'hanh geh ăp rơh mâp, rgum nchră đah ăp kruanh gưl têh Ai Cập mpeh ăp nkô̆ nău tâm nkual, dak bah dih ndrel uănh khlay. Tâm rơh wơt wa Vương Nghị, Tổng thống Ai Cập Abdel-Fattah El-Sisi lah rjăp ŭch rŏng tâm boh têh dơi jŏ jong lam lĕ rngôch. Bar ding dôl uănh saơ du njăr trong tâm boh n'hanh tâm brê pơk hvi kalơ âk trong kan. Wa El-Sisi lah rjăp đŏng ŭch rŏng tâm boh đah Trung Quốc tâm ăp bôk nău kan hun hao, trong nchrăp gưl neh dak, lơn lah nău mĭn mhe "Ƀư nduar n'hanh trong me" bah Trung Quốc. Mpeh bah nơm, Bộ trưởng Ngoại giao Trung Quốc Vương Nghị lah rjăp Trung Quốc uănh khlay tât nău hun hao tâm boh têh dơi jŏ jong đah Ai Cập, nkre rnê âk nău khlay ƀư tơm bah Ai Cập tâm n'gu tơm an nău hun hao đăp mpăn ta Trung Đông.

Nuĭh rblang: Điểu Thân