VOV4.M’nông – Ta năp nu nău hô đah srê Covid-19 ta Ấn Độ, Rmôt kan dak si lam ntŭr neh n’hanh âk dak ta lam ntŭr neh lĕ đă ntop kơl Ấn Độ rdâng đah srê. Văn phòng Tổng thống Pháp an gĭt, dak Pháp mbra pă dŭt âk ndoh ndơ dak si gay ntop kơl Ấn Độ rdâng đah trong ntưp rêng Covid-19 hô ngăn ta dak aơ. Nău rdêng ăp ndoh ndơ dak si geh măy ƀư jêng oxy, măt nglăp nking n’gang n’hanh ndoh ndơ geh chất nđik mbra dơi ndơ̆ tât Ấn Độ, ntơm bah dŭt pơh tât. Tổng thống Mỹ Joe Biden mĭn lah nău an ntop kơl Ấn Độ rdâng đah trong ntưp srê Covid-19 mhe dôl ntoh hô ta dak aơ. Tâm rơh ôp đah kênh tivi CNN, nuĭh djôt bôk Tơm prăk nkrem ntuh kơl bah Nga an gĭt, Ấn Độ mbra dơn ndơ vaccine Sputnik V njrăng n’gang Covid-19 bôk năp bah Nga tâm nar 1/5 tât.

Nuĭh rblang: Y Sưng Phê Ja