VOV4. M’nông: Ngoại trưởng Đức Heiko Maas ôi 26/4 an gĭt, dak dja mbra njuăl oxy n'hanh ăp ndơ dŏng kan dak si an Ấn Độ tâm ăp nar tât gay ntop kơl njrăng n'gang nuh srê Covid-19. Nuĭh ntơh ngơi Bộ Quốc phòng Đức an gĭt, Bộ Ngọai giao dak dja hŏ dăn đă tahen mĭn uănh pă an ƀư 1 ntŭk njêng oxy ntrơn hăn tâm ban kơt ntop kơl rdeng ăp ntil ndơ kơl ngăch êng ƀa ƀă an Ấn Độ. Thủ tướng Đức Angela Merkel nar 25/4 hŏ mpơl nău yô̆ ta năp nuh srê Covid-19 krit nji ta Ấn Độ. Ủy ban châu Âu mbơh mbra njuăl oxy n'hanh dak si săm ji an Ấn Độ đŏng. Anh an gĭt mbra rdeng ndơ kơl lor bôk năp (lĕ rngôch 600 ntil ndơ, tâm nê geh măy n'hôr n'hâm, măy njêng oxy) mbra hăn tât Ấn Độ tâm nar 27/4. Ấn Độ dôl tâm rdâng đah geh ma nău ntưp rêng dŭt âk, 2 nar rlău aơ geh tay bơi 349.700 nuĭh ntưp Covid-19.

Nuĭh rblang: Điểu Thân