VOV4.M'nông: Nar 30/8, Ngoại trưởng du đêt dak "tâm boh n'gâng tơm" bah Afghanistan tă bah Mỹ ƀư tơm rơh hop pơk sŏng dăng gay tâm nchră trong tât "du trong tâm di an ăp nar bơi tât”. Liên hợp quốc dôl nchrăp nkhêp geh nău tât dŭt djơh an rơh duh jêr nchuăt du der Afghanistan. Ngoại trưởng Thổ Nhĩ Kỳ Mevlut Cavusoglu mbơh mô dơn nuĭh ntrơn du bah Afghanistan tâm rnôk ntoh ăp nău klach rvê mpeh n'hoch nuĭh nchuăt du luh bah Afghanistan lôch mpôl tahen Taliban mât kân neh dak. Nău mbơh njrăng lor bah Thổ Nhĩ Kỳ ndơ̆ luh rnôk Liên hợp quốc dôl nchrăp nkhêp geh nău tât dŭt djơh đah nklăp 500 rbăn nuĭh ntrơn du Afghanistan nchuăt tât ăp dak kơt Iran, Pakistan n'hanh ăp dak Trung Á tâm 4 khay tât. Gay nking nchăng rơh duh jêr nchuăt du der tâm ban kơt ơm đăp mpăn nô nău ta Afghanistan đŏng, âk dak nkah nău dơi tâm dăn dôih đah Taliban du trong ngăch rplăch nsing tâm nău mĭn ngăn ngăn yơn ân ƀư lhăt jăp đŏng, tâm nê mĭn tât ăp trong rmal./.  

Nuĭh rblang: Điểu Thân