VOV4.M’nông – Nkhêp di nkah gĭt 96 năm Nar Báo chí Cách mạng Việt Nam (21/6), âk mpôl ntoh măt N’gâng kan, nău kan Trung ương n’hanh n’gor lĕ tât mbah rhơn kruanh, cán bộ, phóng viên, biên tập viên, kỹ thuật viên bah Đài TNVN (VOV). Tât khâl n’hanh mbah rhơn Đài TNVN, Kruanh n’gâng kan, Chủ nhiệm Ủy ban Dân tộc Hầu A Lềnh ŭch, kruanh Đài TNVN n’hanh cán bộ phóng viên, biên tập viên bah Đài TNVN tâm rgop, ntop kơl nu nău, nkoch trêng ăp nău ntrŭnh, nău kơl tât ăp ƀon lan rnoi mpôl đêt tâm nar tât. Kruanh N’gâng kan Bộ thông tin n’hanh Truyền thông Nguyễn Mạnh Hùng tât khâl n’hanh mbah rhơn VOV ri an lah, báo chí dôl tâm rlong đah mạng xã hôị; đă an rgâl mhe. Kruanh n’gâng kan Nguyễn Mạnh Hùng an gĭt, Bộ thông tin n’hanh Truyền thông mkra ăp nău mpeh trong ƀư, nău kơl gay nta an báo chí hun hao. Tâm nar 17/6, âk mpôl ntoh măt ăp N’gâng kan, nău kan, ngih pah kan nsum mpôl Trung ương n’hanh ăp n’gor, nkual ƀon têh lĕ tât mbah rhơn Đài TNVN kơt: N’gâng kan Công an, Tổng Liên đoàn Lao động Việt Nam, N’gâng kan tâm rnglăp nchră nău, UBND n’gor Hải Dương.

Nŭih rblang: Y Sưng Phê Ja