VOV4.Mnông- Ấn Độ nar 9/11 ƀư rơh rƀŭn rmôt ăp nuĭh kan mbơh nău rnă njrăng ngih dak bâh 8 dak gay ma tâm nchră mpeh nău ta Afghanistan kơp bâh ntơm Taliban plơ̆ tay mât leo nău kan. Rơh rƀŭn nchră mbơh ôp nău rnă njrăng ngih dak Ấn Độ leo kan ndrel đah nuĭh tâm ban nău kan bâh Nga, Iran n’hanh 5 dak Cộng hòa Trung Á lah Tajikistan, Kyrgyzstan, Kazakhstan, Uzbekistan và Turkmenistan. Pakistann’hanh Trung Quốc lĕ mô ŭch đă ndơn kan tât râng rơh tâm nchră aơ. Tĭng ăp nău mbơh bâh chính phủ Ấn Độ, rơh tâm nchră aơ gay ma tâm mbơh nău gĭt vât nsum mpeh ăp nău mĭn rvê đah ăp dak dăch meng bâh Afghanistan. 8 ngih dak lĕ mbra joi nău tâm ban ŭch mpeh ăp ntrong tâm rdâng đah ăp nău ntêt nkri.

Nuĭh rblang: Thị Đoắt