VOV4.M’nông: Thủ tướng Ấn Độ Na-ren-dra Mo-di lơ 19/11 mbơh nau jăng lơi 3 đạo luật tuch tăm geh tâm rlăch ndrel lah nkô̆ jêng ăp nau ƀư rŭng răng dun lơi rlau du năm ma aơ. Tĭng wa Mo-di, kan jăng lơi aơ geh uănh tâm nar rƀŭn Quốc hội bah Ấn Độ ntơm tâm dŭt khay aơ. Ăp đạo luật tuch tăm mhe geh Quốc hội Ấn Độ geh nchră tâm khay 9 năm e. Tĭng nê, koh n’hoch nau kol bah âk jêt năm ma aơ gay đăp mpăn rnoh ndơ tăch bah tuch tăm gay ntrŭt dăng ntŭk tăch. Kơp ntơm geh nau tam, âk jêt rơh ƀư nau rŭng răng dun lơi bah ƀon lan bah Ấn Độ hŏ geh ta Thủ đô Niu-đê-li. Khân păng ân lah, ăp đạo luật aơ khuch ngăn tât nau rêh ndrel nau kan, ƀư ƀon lan mô dăng bah năp rmôt kan têh. Tâm Ấn Độ, rlau 60% rnoh nŭih rnôk aơ dôl rêh nsing tâm nau kan tuch tăm./.

Nŭih rblang: H’Thi