VOV4.M’nông - Ta Rƀŭn nchră mpeh trôk nar bah Liên hợp quốc ƀư ta Scott len, Ấn Độ n’hanh Anh mbra an mbơh nău nchrăp bư du trong điện ŭnh nar măt nar boăt nthoi ăp dak ta ăp nkual êng êng ta lam ntŭr neh. Nău nchrăp ƀư geh săk lah “Nău mĭn ƀư mhe trong điện kloh uĕh”, yor Liên minh Ŭnh nar măt nar lam ntŭr neh ƀư, rơh bôk năp dơi Ấn Độ n’hanh Pháp mbơh ta Rƀŭn nchră trôk nar Paris năm 2015 gay ntrôl ŭnh nar măt nar. Anh n’hanh Ấn Độ lĕ ŭch râng tâm nău ƀư mhe aơ tâm khay 5 năm aơ. Nău nchrăp ƀư mbra geh du trong điện lam ntŭr neh gay ndơ̆ ŭnh nar măt nar bah ntŭk aơ an ntŭk êng. Ntĭt nsa, rnôk trôk măng ta Đông Á, ri ta Ấn Độ hôm e geh măt nar duh. Lah geh du trong cáp nthoi đah Ấn Độ n’hanh Đông Á, ri rnoh điện măt nar hôm e dơi pă an Đông Á. Ăp nuĭh way kan kơp êng tâm 3 năm tât, ŭnh nar măt nar mbra jêng thuk kơt điện bah ndơ hóa thạch.

Nuĭh rblang: Y Sưng Phê Ja