VOV4.Mnông – Kruanh n’gâng kan tâm rnglăp nchră nău Ấn Độ Subrahmanyam Jaishankar n’hanh nuĭh tâm ban gưl kan Nga Sergei Lavrov mhe geh rơh rgum tâm nchră ta thủ đô New Delhi, gay tâm nchră mpeh ăp nău ăp ding n’hanh nkual. Tĭng nău mbơh bah N’gâng kan tâm rnglăp nchră nău Ấn Độ, Kruanh nchră nău Nga Sergei Lavrov dôl geh rơh khâl 2 nar tât dak aơ. Tâm rơh rgum nchră nar 6/4, Kruanh n’gâng kan nchră nău 2 dak lĕ rgum tâm nchră ăp nkô̆ nău nchrăp an rơh khâl bah Tổng thống Nga Vladimir Putin tât Ấn Độ, râng rơh rƀŭn gưl prêh ăp năm ta dŭt năm aơ. 2 ding lĕ tâm rgâl mpeh nău tâm boh kan ndrel jŏ jong tâm ăp nău kan hạt nhân, vũ trụ n’hanh mât njrăng bri dak. Kan ndrel ŭnh nar geh tâm bôk nău kan khlay, đah âk tâm ton pơk hvi n’hanh ƀư tĭng jŏ năm.

Nuĭh răk rblang: Y Sưng Phê Ja