VOV4.M’nông: Ấn Độ n'hanh Trung Quốc ƀư rvăch tâm nchră tâl 12 rơh tâm nchră tahen gưl Tư lệnh Quân đoàn ta n'har bri tâm nar aơ (31/07). Lôch rlău 3 khay kơp ntơm bah rơh hop dŭt dăch, bar ding mâp măt tay gay tâm nchră nkô̆ nău rhuăt tahen luh bah ntŭk tâm pit đah bar dak ta nkual mpeh luh nar Ladakh. Tĭng Lục quân Ấn Độ, rvăch tâl 12 tâm nchră ta gưl Tư lệnh quân đoàn đah Ấn Độ Trung Quốc ƀư ta ntŭk tâm mâp Moldo gŭ ta njăr trong Mât njrăng ngăn (LAC) mpeh Trung Quốc, Bar mpôl tahen bar dak mbra nchră nău rhuăt tahen luh bah nkual Hot Springs n'hanh Gogra. Bah năp nê, rnôk khay 2 mhe aơ, lôch âk rơh tâm nchră dak bah dih n'hanh tahen, Ấn Độ Trung Quốc hŏ dơi geh nău tâm ton rhuăt tahen luh bah kơh mpeh bah lơ n'hanh bah dâng n'glău dak Pangong, ntŭk tă geh tâm pănh rgŭt n'gĭng. Yơn lah, nău rhuăt tahen dja mô hŏ di hŏ nkra bah tâm pit n'har bri đah bar dak rnôk hôm geh âk ntŭk tâm pit êng ƀa ƀă ta mpeh luh nar Ladakh đŏng./.

Nuĭh rblang: Điểu Thân