VOV4.M’nông: Ấn Độ ndrel Trung Quốc tâm ban ndrel mât đăp mpăn nkuăl neh ndrel njrăng rdâng ăp nau tât mô kâp geh tâm nkuăl n’har bri đah 2 dak ta mpeh ba lơ La-đác. Aơ lah nau tă geh dơi jêh rơh rƀŭn tal 22 bah Nau ƀư pah kan mpeh nau kơl tâm nchră ndrel rđau đă ăp nau kan nkuăl n’har bri đah Ấn Độ-Trung Quốc geh tâm ôi 25/6. Ăp n’gâng kan Ấn Độ-Trung Quốc tâm ban nau tâm nchră gay dơi geh ăp nau kan ân 2 ding geh ndơn dơi gay ma rhuăt lĕ bah ăp ntŭk tâm pit. N’gâng kan nchră nau Ấn Độ mbơh 2 ding tâm nchră nau kan ân dŏng mpeh nau kan tâm Trong nkân njrăng uănh ngăn. Mbơh nau bah N’gâng kan nchră nau Ấn Độ ân gĭt: 2 dak tâm ban nau mât nau tâm boh ndrel tâm mâp bah ăp ntrong kan tâm nchră ndrel neh dak gay joi luh ntrong kan ndâk tay ân đăp mpăn ndrel ueh nâp ngăn, ntrŭt dăng nau mhe tâm nau tâm boh 2 ding./.

Nŭih rblang: H’Thi