VOV4.M’nông: Thủ tướng Chính phủ Phạm Minh Chính mhe rđau, ân geh nau rgâl mhe nau dŏng nau kan mhe tâm nau njrăng, rdâng srê Covid-19. Tĭng nê, ăp nau kan geh leo dŏng geh Bộ thông tin ndrel Truyền thông jao ân ăp ntŭk kan leo lăp dŏng công nghệ tâm dak jêng nau hun hao tâm rơh rlau aơ, mra jêng ăp nau kan ueh ngăn gay ma nchâp ân geh dŏng tâm điện thoại blau mhe bah nŭih dŏng ân tât rnôk ăp ntŭk rgum âk nŭih, rgop nau saơ nau geh tâm mâp dăch, n’huch nau geh nkhah ndrel ma joi trong âk F1, F2 kơt rnôk aơ.

  Thủ tướng Chính phủ Phạm Minh Chính 

Tât aơ tă, N’gâng kan dak si mra ntrŭnh nau mpeh nau nchâp đă dŏng nau kan blau mhe gay ma njrăng rdâng srê Covid-19. Jêh rơh rƀŭn trực tuyến lơ 26/5 đah 2 n’gor Bắc Giang ndrel Bắc Ninh ndrel ngăn lah jêh rnôk geh nau rđau bah Thủ tướng Chính phủ mpeh nau n’hao nau dŏng nau kan mhe tâm nau njrăng rdâng srê Covid-19, N’gâng kan Thông tin ndrel Truyền thông hŏ đă, nchâp ân geh leo lăp dŏng ứng nau kan tâm nau ê nkra ta Việt Nam./.

Nŭih rblang: H’Thi