VOV4.M’nông – Nar 25/11, Ban Thường vụ N’gor ủy Dak Lak lĕ ƀư n’glôch jêh Giải Báo chí mpeh ndâk njêng Đảng n’gor Dak Lak rơh tal 3-năm 2021 n’hanh Rgŏ jă Giải Báo chí mpeh ndâk njêng Đảng n’gor Dak Lak rơh tal 4-2022. Jêh rlău 8 khay mbơh ƀư, Mpôl rdâk ƀư lĕ wơt dơn bơi 130 tác phẩm báo chí ta 4 ntil: báo in, báo điện tử, Ntuh rup, ntuh nău ngơi.

Mpôl rdâk ƀư an bằng khen an ăp nuĭh geh ndơ nkhôm

Âk tác phẩm lĕ ƀư uĕh, nkô̆ nău jru, geh nău mĭn joi, lah nu nău ngăn trong kan ndâk njêng Đảng bah n’gor Dak Lak. Mpôl rdâk ƀư lĕ an 2 giải A, 3 giải B, giải C, 9 giải khuyến khích an ăp nuĭh ƀư, rmôt nuĭh ƀư geh giải; săch 17 tác phẩm njuăl râng tâm rlong chung khảo Giải Búa liềm vàng lam dak rơh tal 6-2021. Ta nar ƀư, kruanh N’gor ủy Dak Lak lĕ rgŏ jă Giải Báo chí mpeh ndâk njêng Đảng n’gor rơh tal 4-năm 2022, nkre đă ăp ngih pah kan ƀư mĭn nchrăp êng tâm pă nău mhe tĭng trong nău ngơi, nta an gay cán bộ, đảng viên, nuĭh ƀon lan, nuĭh ƀư báo n’hanh nuĭh mô way ƀư nsrôih rƀŏng tĭng, râng tâm rlong.

Nuĭh rblang: Y Sưng Phê Ja