VOV4.M’nông – Đại sứ quán Việt Nam ta Lào mhe an mbơh mpeh nău an rlu lăp sĭt Việt Nam đah nuĭh hăn bah Lào, tât lĕ nar 30/5/2021. Ta năp nău mbơh âk nar bah năp, du đêt nuĭh ƀon lan dăn sĭt bah Lào sĭt Việt Nam lĕ geh ăp mpông n’har bri Việt Nam mô an, Đại sứ quán Việt Nam ta Lào an gĭt: nău aơ lah ƀư tĭng sam ƀŭt bah Văn phòng Chính phủ CHXHCN Việt Nam mpeh nău “đă rlu lăp sĭt đah lĕ rngôch ăp nuĭh dăn lăp sĭt bah ăp dak Ấn Độ, Thái Lan, Campuchia, Lào tât lĕ nar 30/5/2021. Ăp nuĭh lĕ dăn bah năp nar 28/4/2021 hôm e dơi an sĭt tĭnh naư ntrŭnh. Đah ăp nuĭh dăn sĭt Việt Nam, an geh nău rgop tâm ban ŭch bah N’gâng kan tâm rnglăp nchră nău Việt Nam n’hanh ƀư tĭng tŏng ăp nău ntĭm bah N’gâng kan dak si”. Đại sứ quán đă nuĭh ƀon lan Việt Nam dôl gŭ rêh, pah kan n’hanh nti ta Lào ƀư tĭng rjăp nău ntrŭnh bah Lào n’hanh bah Việt Nam mpeh njrăng n’gang srê Covid-19; mô luh ntŭk gŭ mô geh nău jăch ndăn; mô tât êng mpông n’har bri rnôk mô hŏ dơi ăn luh sĭt dak, ƀư jêr an ăp rmôt kan dơi kan ƀư nău kan.

Nŭih rblang: Y Sưng Phê Ja