VOV4.M’nông – Kruanh tâm nchră nău Anh Dominic Raab mhe aơ an gĭt dŭt dơi geh Iran gŭ bah kơi nău rdôl lơh đah ndeh părr mô geh nuĭh ƀĭt nchrŏng tâm tàu rdêng pring Mercer Street yor Israel ƀĭt hăn bah dih kơh dak lêng Oman. Tâm nău mbơh na nê̆ bah N’gâng kan tâm rnglăp nchră Anh, Wa Dominic Raab mĭn lah nău rdôl lơh aơ geh nău uănh, geh nău nchrŏng n’hanh nău tih na nê̆ luật pháp lam ntŭr neh bah Iran. Ta năp nĕ, Kruanh nchră nău Mỹ Antony Blinken lĕ an mbơh mĭn lah Iran lĕ ƀư rdôl lơh aơ. Kruanh nchră nău Mỹ ntôn Iran lĕ ƀư ăp nău ntêt nkri dah rŏng trong dak lêng ta du trong dak lêng khlay. Nău rdôl lơh tàu Mercer Street ƀư 2 hê khĭt lah kruanh ƀĭt duk n’hanh nuĭh kan mât njrăng.

Nŭih rblang: Y Sưng Phê Ja