VOV4.M’nông: Anh dôl nchrăp n'hao duk tahen dak lêng hăn tât nkual Jersey lôch rnôk Pháp nkri mpă wêl ndrâm dak lêng bah gôl dak dja. Nău n'hao duk tahen dak lêng ƀư tâm rnôk dôl duh hô tâm pit lơh nhŭp joi ka đah bar ding bah kơi Brexit. Tĭng Bộ Quốc phòng Anh, bar bôk duk tahen dak lêng dơi n'hao tât Jersey gay tĭng ƀư ăp rơh hăn rsong uănh rnă njrăng dak lêng. Tâm ăp pơh dăch aơ, duh jêr đah Pháp n'hanh Anh geh tât nkô̆ nău lơh nhŭp joi ka hô. Anh mhe aơ pă an 41 bôk duk lơh joi ka geh ndơ rvăt năp groi nđôi duk mpan (VMS) dơi an hăn lơh joi ka nklang dak lêng Jersey, ndrel đah nê, Anh hôm ndơ̆ luh quy định mpeh tâm pă nkual dak lêng ăp duk dơi an hăn n'hanh mô dơi an lăp. Pháp hŏ rlăch dun ăp trong nkra mhe dja bah Anh n'hanh mpơl nău mĭn dja đah Ủy ban châu Âu. 

Nuĭh rblang: Điểu Thân