VOV4.Mnông- Nar 28/9, Anh ntơm rơh tâm nchră tât râng nău tâm kơl lĕ rngôch n’hanh rgŏ Thái Bình Dương CPTPP, ma dak aơ uănh lah du nău dŭt khlăy bâh tăch rgâl ba kơi Brexit. CPTPP jut jăng 95% rnoh xoay đah ăp dak kan ndrel, geh Nhật Bản, Canada,Australia, Việt Nam, New Zealand, Singapore, Mehyco, Pê-ru, Brunei, Chilê và Malaysia. Anh mĭn ŭch mbra geh njêng du ntŭk kan tâm di an nơm tâm nău tăch rgâl lam ntur neh đah nău mĭn lah dak tăch ndơ an dak bah dih ndơ dŏng gâl têh n’hanh nău kan ueh khlăy. Nău lăp kan ndrel nău tâm ton kan mbra geh  ntop kơl an ăp nău tâm ton tăch rgâl ma dak Anh dôl joi mô lah lĕ ŭch đah ăp dak kan ndrel. Ta năp nĕ, ăp dak kan ndrel êng bâh CPTPP lĕ tâm mâp gay ma tâm nchră mpeh nău đă dăn lăp kan ndrel bâh Anh, yơn rơh rƀŭn nchră trực tuyến nar 28/9 bâh rmôt pah kan lăp kan ndrel yor Nhật Bản leo tơm lah rơh bôk năp geh nău tât râng bâh Anh.

          Nuĭh rblang: Thị Đoắt