VOV4.M’nông: Tâm rơh hăn tât Paris, Kruanh n’gâng kan ANh ndrel nŭih ndrel gưl kan Pháp hŏ tâm ban nau kí ton du nau mât rnă njrăng trong dak lêng mhe đah Anh ndrel Pháp. Tâm di nau mbơh mhe ngăn, Kruanh n’gâng kan Anh Đô-mi-ních Rab kơp dơn, nau kan ký ton nau tâm boh rnă njrăng trong dak lêng Anh-Pháp mhe kơl an nau snôih nau dơi bah 2 ding tâm nau ndrel rdâng đah nau ân ngăch ndrel săk tam ngăn bah năp nau nkri nau rlăng tâm nkuel dak lêng Măng-sơ nthoi đah 2 dak. Tĭng nê, nau tâm ton mhe geh ăp ăp nau ân dak Anh ndrel Pháp tâm pă mbơh nau mpôn geh tât nau nkri dôl ma tât, gay ndâk ăp nau kan rdâng ân ngăch ndrel tam ngăn lơn đah ăp nau rdôl lơh. Tĭng nau nchrăp, nau tâm ton mra geh nau tam rnôk lĕ 2 neh dak ân dŏng ngăn tâm dŭt năm aơ./.

Nŭih rblang: H’Thi