VOV4.M’nông – Tâm rơh khâl ta Paris, Kruanh nchră nău Anh n’hanh nuĭh tâm ban gưl kan Pháp lĕ tâm ban ŭch ký ton Hiệp ước rnă njrăng Trong dak lêng mhe đah Anh n’hanh Pháp. Tâm nău mbơh na nê̆, Kruanh nchră nău Anh Dominic Raab lah rjăp, nău ký ton Hiệp ước Rnă njrăng Trong dak lêng Anh-Pháp mhe mbra nâp nâl dơi bah 2 ding tâm nău ndrel rdâng ngăch n’hanh tam bah năp ăp nău nkri rŭng răng ta nkoel dak lêng Manche nthoi đah 2 dak. Tĭng nĕ, Hiệp ước mhe mbra geh ăp nău an Anh n’hanh Pháp tâm pă nău mbơh mpôn geh tât ăp nău nkri êng, gay ndâk njêng trong rdâng ngăch n’hanh tam lơn đah ăp nău rŭng răng. Tĭng trong nchrăp, Hiệp ước mbra geh tam jêh rnôk lĕ 2 dak uănh an na nê̆ ta dŭt năm aơ.

Nuĭh rblang: Y Sưng Phê Ja