VOV4.M’nông: Anh ton pă rnoh kơl an ndal 105 rkeh bảng Anh (bơi tât 142 rkeh đôla) gay ma kơl an ăp dak nơih geh nau khuch, ngăn lah ta Châu Phi, rdâng đah nau ntưp rêng bah ntil njêng săk Omicron. Kruanh n’gâng kan Anh Liz Truss mbơh, dak Anh mra kơl an ăp dak lam ntur neh rdâng đah nau ntưp rêng bah ntil njêng săk mhe, nkre lah rjăp aơ lah mpông trong gay ma ƀư ân bah lĕ srê Covid-19. Tĭng wa Liz Truss, rnoh kơl an aơ mra geh pă ân ăp nau kan n’huch nau ntưp rêng, n’hao nau xét nghiệm ndrel ăp rnoh pă o-xi. Kruanh n’gâng kan nchră nau Anh ton lah, nau tâm ton mhe ngăn bah dak aơ geh ndơ̆ jêh rnôk Anh jao 30 rkeh dĭng vắc xin njrăng Covid-19 ân ăp dak lam ntur neh tâm rnoh 100 rkeh dĭng ma dak aơ ton mra rgop kơl an./.

Nŭih rblang: H’Thi