VOV4.M'nông: Anh mpơl nău klach rvê vaccine njrăng n'gang COVID-19 mbra hŭch bah nău tam ta năp njêng săk mhe dôl ntưp rêng ta Nam Phi, ntêt nkri tât rơh rdâng lơh COVID-19 lam ntŭr neh. Nhih pah kan rnă njrăng dak si Anh an gĭt, njêng dăk mhe geh moh lah B.1.1.529 geh tât 32 njêng săk ndal tâm protein rsâng, ndơ ơm kơl kaman SARS-CoV-2 lăp tâm săk mblăy kon nuĭh n'hanh lah rnoh ŭch tât kan ma lĕ rngôch ăp ntil vaccine ntrŏng tât gay njêng luh suan dăng chŏl tay COVID-19. Ăp nău njêng mhe ta protein rsâng lok mbra dăng tât nău ntưp rêng ji n'hanh ntưp rêng bah kaman, yơn ƀư ăp săk ntô dăng chŏl jêr lăp tâm trôm mblăy lơn. Ăp nuĭh bôk năp ntưp ntil njêng săk dja dơi năl geh ta Botswana tâm nar 11/11. Pe nar bah kơi nê, Nam Phi năl geh nuĭh ntưp bôk năp. Hồng Kông (Trung Quốc) năl geh 1 hê nuĭh ntưp njêng săk mhe dja, lah du hê nuĭh plơ̆ sĭt Nam Phi.

Nuĭh rblang: Điểu Thân