VOV4.M’nông: Indonesia hŏ dơn geh nău dăn kơl bah 9 dak n'hanh ăp mpôl kan êng ƀa ƀă gay rlău dơi rơh jêr jŏt tâm nuh srê têh. Tâm rơh hop báo nar ntri (9/7), Ngoại trưởng Indonesia, wa bu ur Retno Marsudi rnê âk nău dăn đă ntop kơl bah ăp dak Hoa Kỳ, Hà Lan, Australia, Nhật Bản, Anh, Singapore, Ăp Tiểu vương quốc Ả Rập Dơn ngoăy, Ấn Độ n'hanh Trung Quốc. Ntop kơl tâm boh dơi pă an lĕ ma vaccine, dak si dak gle n'hanh ăp ndơ dŏng kan dak si êng ƀa ƀă. Indonesia hŏ dơn geh ndơ ntop  kơl ndơ dŏng dak si bah Singapore, lĕ ma 200 máy n'hôr n'hâm, 256 bình oxy soih rnoh têh 50 lít n'hanh ndơ ndrôm săk. Bah năp nê, Indonesia dơn geh nău ton kơl 10.000 ndơ njêng oxy bah Singapore đŏng. 30 tâm rnoh dja hŏ tât Indonesia bar pe nar bah năp nơh n'hanh dơi tâm pă tât ăp nhih dak si dôl tâm rnôk mô tŏng oxy. Ndrel nar, 1.000 máy n'hôr n'hâm bah Australia hŏ njuăl tât Indonesia gŭ tâm rnoh ntop kơl khlay 12 rkeh đôlar đŏng./.

Nuĭh rblang: Điểu Thân