VOV4.M’nông: Ntoh nau tâm nar dôl khâl ngăn ta Ô-xtrây-lia, Tổng thống Hàn Quốc Moon Jae-in mbơh, 4 ding geh tât lah Hàn Quốc, Triều Tiên, Trung Quốc ndrel Mỹ hŏ tâm di tâm nau kan mpeh nau ƀư ngăn lôch ân rơh tâm lơh tâm gôl dak Triều Tiên. Yơn lah, tât rnôk aơm, ăp ding tâm nchră hôm ê geh ƀư yor dôl geh nau rvê. Triều Tiên pơk trong nơih nkoch lah Mỹ ân ơm nsrŭng ăp nau tâm rkeh ri Triều Tiên mơ ntơm tâm nchră mpeh nau ton lah nsum ân bah nau tâm lơh ma Hàn Quốc ndrel Mỹ. Jêh rnôk ton lah bah Tổng thống Hàn Quốc Moon jae-in, Kruanh Thống nhất Hàn Quốc Lee In-young lah rjăp “nau ton lah ân nsrŭng nau tâm lơh lah du nhoat hăn mhe ân nau đăp mpăn” nkre kuăl jă Triều Tiên ân ndơn nau đă tâm nchră bah Hàn Quốc./.

Nŭih rblang: H’Thi