VOV4.M’nông: Liên hợp quốc an gĭt ăp kruanh rđău kan lam ntŭr neh mbra hăn tât râng na nê̆ rơh hop Đại hội đồng Liên hợp quốc mô lah ndơ̆ an pă rhôp nău lah lor lah nuh srê Covid-19 ƀư ăp nău kan rsong hăn geh mpăng đêt. Kruanh Đại hội đồng Liên hợp quốc wa Volkan Bozkir an gĭt nău mbơh hŏ njuăl tât 193 dak lăp kan nsum. Aơ lah ăp nău nsrôih âk bah Liên hợp quốc kơl rơh hop mbra ƀư na nê̆, ntơm bah nar 21 tât 30 khay 9 tât. Năm e nơh, nuh srê COVID-19 hŏ ƀư ăp kruanh rđău kan lam ntŭr neh mô dơi hăn tât New York râng rơh hop ăp năm, lor bôk năp tâm lịch sử 75 năm bah Liên hợp quốc. Năm aơ nchrăp rơh hop mbra dơi ƀư tĭng trong hăn tât râng na nê̆ n'hanh nkre pơk sŏng dăng bah ngai./.

Nuĭh rblang: Điểu Thân