VOV4.M’nông: Nŭih kan ntoh măt bah Nga ndrel Hàn Quốc lơ 24/8 hŏ rƀŭn nchră gay ma joi nau ueh ân gôl dak Triều Tiên. Tĭng Kruanh n’gâng kan nchră nau, kruanh n’gâng kan Nga I-gô Mô-gu-lốp hŏ tât Hàn Quốc lơ 21/8 nơh tâm rơh hăn 6 nar. Tâm rơh mâp ntoh măt Hàn Quốc mpeh nau rnă njrăng ndrel đăp mpăn tâm gôl dak Triều Tiên Nô-ki-u-đắc, bar ding ndrel tâm nchră bar ding gay mô hôm ndrak nsiu tâm gôl dak Triều Tiên ndrel ndâk nau đăp mpăn jŏ jong tâm nkuăl aơ. Ăp nau kan nchră nau mpeh duk mpan tâm Hàn Quốc geh tâm rnôk Hàn Quốc ndrel Mỹ ntơm ntĭm nti lơ 16/8 nơh, bol ma geh nau nkah bah Triều Tiên. Nau lư bah lam ntur neh rvê, nau kan bah Mỹ ndrel Hàn Quốc geh dơi leo tât nau mplơng mô lah du nau tâm rnôk ndrak nsiu tă Triều Tiên./.

Ntoh măt bah Hàn Quốc mpeh nău đăp mpăn n’hanh rnă njrăng ta gôl dak Triều Tiên Nô Ki-u Đúc lĕ geh rơh rgum nchră đah Đặc phái viên Mỹ mpeh nău hạt nhân Triều Tiên Sung Kim, ta thủ đô Seoul, gay tâm nchră mô hôm hạt nhân Gôl dak Triều Tiên n’hanh n’hŭch duh jêr tâm nkual. Ntoh ngơi bah năp nchih báo, Đặc phái viên Mỹ an gĭt, 2 ding lĕ tâm nchră mpeh nău ntop kơl nuĭh an Triều Tiên. Nkre mĭn lah tay nău kơl bah Mỹ đah tâm ton 2 dak tâm nău mbơh nsum Mỹ-Hàn Quốc rnôk khay 5 mhe rlău n’hanh mbra ntop kơl an ăp nău nchrăp kan ndrel kơl nuĭh 2 dak. 2 ding lĕ tâm nchră mpeh âk nău kan ndrel kơl nuĭh đah Triều Tiên, geh mât uănh săk soan, uănh nđôi srê rchăng n’gang ăp nău ji tâm ntưp. Nău ntop kơl nuĭh an Triều Tiên mbra mbơh an ăp rmôt kan lam ntŭr neh n’hanh ăp rmôt kan bah dih chính phủ.

Nŭih rblang: H’Thi