VOV4.Mnông-Kruanh n’gâng kan nchră nău đah dak bah dih Pháp an gĭt, kruanh n’gâng kan nchră nău đah dak bah dih ăp dak Anh, Trung Quốc, Pháp, Đức n’hanh Nga mbra tâm mâp ta Iran ta ntŭk kan LHQ ta dŭt pơh aơ, gay ma njêng nău kan mhe an ăp rơh tâm nchră mpeh nău kan ndâk nsơm tay nău tâm ton hạt nhân năm 2015. Kruanh n’gâng kan nchră nău đah dak bah dih Pháp Jean-Yves Le Drian lah na nê̆, rơh tâm nchră mpeh nău tâm ton hạt nhân năm 2015 an geh ndâk nsơm tay. Iran an geh ŭch plơ̆ tay lơ ơm lơ ueh, đah ntrong kan săch nuĭh ndơn kan tât râng tâm nchră. Tâm rnôk kruanh n’gâng kan nchră nău đah dak bah dih mhe dak Anh, wa bu ur Liz Truss mbơh, Anh, Mỹ n’hanh ăp dak kan ndrel lam ntur neh tâm ton lĕ rngôch đah du nău tâm ton hạt nhân, yơn mpeh Iran hôm nha nklơi ăp rơh tâm nchră n’hanh bah ir geh nău tâm boh kan đah dak bah dih.

Nuĭh rblang: Thị Đoắt