VOV4.M’nông: Ta Jay Quốc hội, ăp nhih pah kan bah Quốc hội, nhih pah kan bah Ủy ban Thường vụ Quốc hội, Văn phòng Quốc hội ƀư nar rgop kơl Prăk nkrem njrăng, n'gang nuh srê Covid-19. Ta năp ăp nău tât krit nji bah nuh srê Covid-19, gay tâm pă nău jêr jŏt, nsum ti rgop suan njrăng n'gang nuh srê, tĭng nău ôp kual bah Ủy ban Trung ương Mặt trận Tổ quốc Việt Nam, dơi geh nău tâm ban ŭch bah mpôl kruanh rđău kan Quốc hội, Văn phòng Quốc hội ƀư rơh rgum prăk kơl njrăng, n'gang nuh srê Covid-19.

Tổng thư ký, Chủ nhiệm Văn phòng Quốc hội Bùi Văn Cường an gĭt aơ lah nău kan geh nkô̆ dŭt khlay; nkre dăn đă lĕ rngôch ăp nuĭh đại biểu Quốc hội way rnâng kan ta ăp nhih pah kan bah Quốc hội, ăp nhih pah kan bah Ủy ban Thường vụ Quốc hội n'hanh lĕ rngôch cán bộ, công chức, viên chức, nuĭh kan tâm Văn phòng Quốc hội ŭch tĭng ƀư, rgop du nar prăk khay let lơ. Lôch nar rgop, Văn phòng Quốc hội hŏ njuăl rnoh prăk 350 rkeh prăk tât Ủy ban Trung ương Mặt trận Tổ quốc Việt Nam.

Nuĭh rblang: Điểu Thân