VOV4.M’nông – Ta năp nu nău srê Covid-19 dôl geh jêr jŏt, tât ôi nđaơ 4/5, lam dak lĕ geh 9 n’gor, TP an kon hŏk rlu nti an tât rnôk geh nău mbơh mhe. Nĕ lah Tp Hà Nội, Bắc Giang, Hà Nam, Vĩnh Phúc, Hưng Yên, Yên Bái, Đà Nẵng, Quảng Nam, An Giang. Gay đăp mpăn nău nti, nău ntĭm n’hanh nti mbra rgâl bah ntĭm pơk sŏng dăng an trực tuyến. Ta n’gor Vĩnh Phúc, ntŭk srê Covid-19 dôl geh jêr jŏt, gay đăp mpăn an kon hŏk, UBND n’gor lĕ an ntĭm đă an rlău 300.000 kon hŏk bah mầm non tât THPT, giáo dục thường xuyên n’hanh ntĭ nti nău kan ta lam n’gor rlu nti bah nar 3/5 tât lĕ 8/5. Jêh lĕ nar aơ, tĭng tâm nu nău ngăn srê, UBND n’gor mbra uănh mĭn n’hanh geh ntĭm rđau tâm di. Ta n’gor Hưng Yên, N’gâng kan ntĭm nti n’gor đă UBND n’gor an kon hŏk ta lam n’gor rlu nti bah nar 4/5 tât rnôk geh nău mbơh mhe gay njrăng srê Covid-19.

Nuĭh rblang: Y Sưng Phê Ja