VOV4.M’nông – Tivi tahen Myanmar nar nđaơ 4/6 ndơ̆ nău, 2 hê ntoh măt bah Hiệp hội ăp dak Đông Nam Á (ASEAN) lĕ tât Myanmar n’hanh mâp nuĭh kruanh n’gâng kan tahen, Thống tướng Min Aung Hlaing tâm nău nsrôih lôch nău duh jêr chính trị ta dak aơ. Na nê̆ nău mhe an gĭt, Tổng thư ký ASEAN Lim Jock Hoi n’hah kruanh n’gâng kan tal 2 N’gâng kan tâm rnglăp nchră nău Brunei Erywan Yusof, dak Kruanh ASEAN lĕ tâm nchră đah kruanh n’gâng kan tahen Myanmar, Thống tướng Hla-ing, ndrel 2 kruanh n’gâng kan yor tahen ntĭm mpeh âk nău kơt kan ndrel kơl nuĭh, ƀư săch n’hanh ăp nău ma tahen an lah ndal tâm rơh săch năm e. Rơh khâl Myanmar bah ăp nuĭh ntoh măt ASEAN lah du gưl tâm ton 5 nău dơi geh ta rơh rƀŭn gưl prêh ta Gia-các-ta rnôk khay 4 mhe rlău, đah tât râng bah nuĭh djôt bôk n’gâng kan tahen Myanmar n’hanh dơi ASEAN uănh lah du trong rgâl mhe.

Nŭih rblang: Y Sưng Phê Ja