VOV4.M'nông: Kêng măng 8/11, ta Jay Quốc hội, Kruanh Quốc hội Vương Đình Huệ râng mbơh Nghị quyết bah Ủy ban Thường vụ Quốc hội mpeh nău njêng Mpôl kan nghị sỹ tâm rnglăp Việt Nam, rmôt bu ur Đại biểu Quốc hội n'hanh rmôt Đại biểu Quốc mom ndăm. Mbơh gĭt. Mpôl kan nghị sỹ tâm rnglăp Việt Nam geh 45 Rmôt nghị sỹ tâm rnglăp đah Việt Nam đah Quốc hội/Nghị viện ăp dak. Rmôt bu ur Đại biểu Quốc hội Việt Nam lah ăp bu ur Đại biểu Quốc hội tât râng êng. Rmôt đại biểu Quốc hội mom lah ăp nuĭh lăp kan đại biểu Quốc hội Việt Nam ntơm bah 45 năm deh jŭr n'gŏ dâng. Kruanh rmôt lah Bí thư bôk năp Trung ương Đoàn TNCS Hồ Chí Minh Nguyễn Anh Tuấn. Lah ta rơh mbơh, Kruanh Quốc hội Vương Đình Huệ nsing nơm, ma nău kan tâm boh dak bah dih bah ăp nhih pah kan bah Quốc hội n'hanh ăp rmôt nghĩ sỹ tâm rnglăp, bu ur đại biểu Quốc hội, đại biểu Quốc hội mom, kan tâm boh dak bah dih bah Quốc hội mbra nar lơn ma n'hao têh khlay, ƀư ntung njŏ uĕh tâm boh tâm rnglăp nghị viện./.

Nuĭh rblang: Điểu Thân