VOV4.M’nông – Kruanh n’gâng kan tâm rnglăp nchră nău Singapore Vivian Balakrishnan mhe an gĭt, ASEAN dôl nsrôih ƀư tâm ban ŭch 5 nău lĕ dơi ăp dak tâm rmôt aơ tâm ban ŭch gay mkra nău duh jêr Myanmar. Ta rƀŭn nchră ăp nuĭh kruanh ASEAN geh dŭt khay 4 mhe rlău ta thủ đô Jakarta, kruanh ăp dak ASEAN lĕ dơi geh tâm ban ŭch 5 nău mpeh nu nău Myanmar, tâm nĕ đă lôch bah dâl tâm lơh n’hanh lĕ rngôch an ât nkân nkân, ƀư tâm nchră geh nău ndâk njêng gay joi trong mkra đăp mpăn, đă nuĭh ntoh măt bah Kruanh ASEAN ƀư ta n’gul ntrôl ƀư tâm nchră n’hanh pă an ntop kơl nuĭh an nuĭh ƀon lan Myanmar tă bah Ntŭk kan tâm pă ndơ ntop kơl nuĭh ASEAN.

Nŭih rblang: Y Sưng Phê Ja