VOV4.M’nông: Ăp dak tâm rmôt ăp dak Đông Nam Á (ASEAN) mhe aơ kuăl jă ăp ding ta Myanmar nkân njrăng ndrel ân nau kơl an ƀon lan tâm rnôk neh dak aơ dôl ma rdâng đah âk nau ntul rlong tă bah nau rŭng răng chính trị, jêr mpeh văng sa ndrel nau rŭng răng mpeh dak si yor srê Covid-19. Tĭng nŭih ntoh ngơi n’gâng kan nchră nau Indonesia wa Teuki Faizasyah, dĭng lĕ ăp ding ân geh kơl an nau kan đăp mpăn ndrel ueh lăng ngăn bah ƀon lan Myanmar ân hao prêh ngăn. N’gâng kan aơ nkre nkah lah, nau kan kơl an ƀon lan kŭngh dơi geh ntrŭnh ƀư lah nau kan rnă njrăng tâm nau ƀư nau kan geh đăp mpăn. Ndrel nar, N’gâng kan nchră nau Myanmar wa Xai-phu-đin Áp-đu-lah lah rjăp, nau nchrăp 5 nkô̆ ma ASEAN đă gay rklaih dơi nau rŭng răng ta Myanmar ân geh ngăch dơi ƀư nau ntrŭnh tâm nau kan ngăn gay ma rklaih nau rŭng răng./.

Nŭih rblang: H’Thi