VOV4.M’nông: Rnoh nchih dŭt mhe mbơh nar 13/7 an saơ, nsĭt geh tăch rgâl bah Trung Quốc hôm hao âk đŏng, tâm nê ASEAN lah dak dâk tay bôk năp bah dak dja, tâm rnôk tăch rgâl Mỹ-Trung hao dŭt âk tâm 3 dak băl  tâm boh dâk bôk năp. 6 khay bôk năm aơ, lĕ rngôch nsĭt geh tăch n'gluh n'glăp bah Trung Quốc hao dăng tay 27,1% rđĭl đah ndrel khay dja năm bah năp nơh, geh rlău 18.000 rmen Nhân dân tệ (nklăp bơi 2800 rmen USD). Aơ lah khay tâl 3 mbro nsĭt geh tăch rgâl bah Trung Quốc hao kơp ntơm bah khay 6/2020 lôch 2 quý jŭr tă bah nuh srê Covid-19. ASEAN, Liên minh châu Âu (EU) n'hanh Mỹ  hôm lah 3 dak tâm boh tăch rgâl dâk bôk năp bah dak dja. Ndrĭ, ASEAN mât dâk tay bôk năp geh dơi ntơm bah năm 2020 kalơ săk dăp rgum ăp dak băl tâm boh tăch  rgâl bah Trung Quốc bol ma nuh srê geh tât  krit nji./.

Nuĭh rblang: Điểu Thân