VOV4.M’nông – Râng rƀŭn nchră mô na nê̆ Kruanh N’gâng kan mât njrăng bri dak ASEAN-Trung Quốc ƀư tĭng trong pơk sŏng dăng mhe rlău, Kruanh n’gâng kan mât njrăng bri dak Indonesea, Prabowo Subianto lah rjăp n’hao kan ndrel rnă njrăng ASEAN-Trung Quốc, tâm nĕ ơm ndâk njêng Bộ quy tắc tâm uănh ta Biển Đông săk rnglăy n’hanh ngăn ngên. Ntoh ngơi ta rơh rƀŭn, Kruanh N’gâng mât njrăng bri dak Indonesia, wa Prabowo Subianto uănh lah prêh rơh mâp mô na nê̆ aơ an ƀư nkah gĭt 30 năm tâm boh ASEAN-Trung Quốc. Tĭng Kruanh n’gâng kan Prabowo, nău tâm boh ASEAN-Trung Quốc dơi ndâk njêng tâm 3 rach năm bah năp na nao hun hao ta ăp nău kan. Na nê̆ ƀư rƀŭn nău mĭn trong kan ASEAN-Trung Quốc ntŭk tâm rgâl ăp sĩ quan druh ndăm 2 ding n’hanh ăp rơh nti nsum ta dak lêng lah du đêt nău kan nsum gay ndâk njêng nău nsing nơm n’hanh n’hao nuih n’hâm đah  ASEAN n’hanh Trung Quốc tâm nău kan mât njrăng bri dak.

Nŭih rblang: Y Sưng Phê Ja