VOV4.M’nông: Lơ 19/11, nau tâm nchră lam ntur neh Nŭih ranh âk, blau mhe ndrel dŏng nau kan công nghệ tâm nau mât chăm n’hâm soan Nŭih bu ranh ASEAN hŏ geh ƀư ta Hà Nội. Aơ lah du nau ueh bah nŭih Việt Nam đah nau ƀư lah Groi Kruanh Ntŭk kan nŭih âk năm blau ngăch ndrel geh nau mhe ASEAN, leo luh ndrel geh dơi nau tâm ban nuih n’hâm bah ăp dak kan nsum bah ASEAN gay rƀŏng tât nau ndâk njêng du nsum mpôl ASEAN tâm rnglăp, tâm ban dơi đah nau rnoh nŭih ranh ma hôm mât nau ngăch, dăng ndrel geh nau mhe. Nkuăl ASEAN rnôk aơ geh rlau 45 rkeh nŭih ntơm 65 năm hao gŏ lơ, geh 7% rnoh nŭih ASEAN (năm 2019). Nchrăp rnoh nŭih ranh mra geh tât 16,7% rnoh nŭih ASEAN tâm năm 2050. Ta nar tâm nchră, ăp nŭih kan tă bah lam ntur neh tât tă bah dak kan nsum ASEAN, Tơm rnoh nŭih Liên hợp quốc, Chính phủ Nhật Bản, Viện mĭn njêng Mitsubishi, Ntŭk kan nsum mpeh rnoh nŭih ndrel Hun hao hŏ tâm pă mbơh ăp nau tă blau, nau mhe gay ma ntrŭt dăng nau rnoh nŭih ranh blau, dăng, geh nau mhe tâm nsum mpôl ASEAN./.

Nŭih rblang: H’Thi