VOV4.M’nông: Công ty nkra dak si Astrazeneca nar naơ, mbơh, vắc xin njrăng rdâng srê Covid-19 bah Ntŭk nkra dak si Anh-Thuỵ Điển aơ hun hao ueh tam đah n’ăp ntil kman Delta ndrel Kappa. Aơ lah ăp ntil kman geh nau ntưp rêng hô ndrel geh saơ bôk năp tâm Ấn Độ. Tâm nau mbơh bah nơm, công ty Astrazeneca mbơh, ăp nau tă geh bah nau mĭn yor Đại học Oxford ntơm ƀư nsing tâm nau mbơh mhe ngăn bah ntŭk kan dak si Anh hŏ lah rjăp nau tam bah vắc xin. Ntŭk kan dak si Anh mbơh nau, du nau mĭn ân saơ, ăp ntil vắc xin njrăng srê Covid-19 yor Astrazeneca ndrel Pfizer nkra ân geh n’huch 90% rnoh nŭih ji geh lăp ngih dak si yor kman Delta./.

Nŭih rblang: H’Thi