VOV4.M’nông – Chính phủ Australia ton ntop tay 40 rkeh dĭng vaccine njrăng n’gang srê Covid-19 gay ntop kơl ăp dak Ấn Độ Dương-Thái Bình Dương rdâng đah chôt srê têh, n’hao rnoh vaccine ntop kơl bah dak aơ an nkual lah 60 rkeh dĭng. Tâm nău ntoh ngơi mhe aơ bah năp Đại hội đồng Liên hợp quốc, Thủ tướng Scott Morrison mbơh “ăp tâm ton bah Australia mbra tŏng ăp rah wah, lĕ đah nău kan, mô nchâp đă n’hanh mpôl hên mbra ƀư tĭng nău kan bah nơm tâm nău bah chôt srê aơ”. Đah nău mbơh mhe aơ, Australia ton tât dŭt năm 2022 mbra ntop kơl dĭng lĕ 60 rkeh dĭng vaccine Covid-19 an nkual Ấn Độ Dương-Thái Bình Dương ndrel đah âk ndơ ntop kơl ndoh ndơ dak si n’hanh ntop kơl hun hao êng gay kơl ăp dak kiău ma tâm nkual nking n’gang srê n’hanh rdâk hao wăng sa jêh srê.

Nŭih rblang: Y Sưng Phê Ja