VOV4.M’nông: Tâm rnôk Việt Nam dôl mô tŏng vaccine njrăng n'gang Covid-19 ntoh luh, Australia hŏ kơl ngăch Việt Nam 1,5 rkeh dĭng vaccine dĭl. Nău kan dja mpơl nău tâm boh uĕh lăng đah bar dak tâm ban kơt nău ton bah Australia tâm boh tay đah Việt Nam tâm rơh rdâng lơh đah nuh srê Covid-19. Tâm nău mbơh ndơ̆  luh nar 14/7, Bộ trưởng Ngoại giao Australia Marise Payne mbơh mpeh nău dak dja ntop kơl Việt Nam 1,5 rkeh dĭng vaccine bah AstraZeneca tâm năm 2021 tâm trôm bôk nău kan ma Australia an ƀư đah ăp băl mpôl dêh bên n'hanh ăp dak băl tâm boh tâm nkual. Việt Nam lah dak tâl 2 tâm ASEAN, bah kơi Indonesia dơi Australia ntop kơl tâm rơh rdâng lơh đah nuh srê Covid-19. Rlău ma nê, Australia rgop tay 130 rkeh AUD tâm nău mĭn tât đah vaccine lam ntŭr neh COVAX gay pă an nkual đŏng./.

Nuĭh rblang: Điểu Thân