VOV4.M’nông: Kruanh n’gâng kan nchră nau Australia hŏ ntrŭnh nau ton mbơh di rnôk nkah 5 năm nar Ngih phat dôih lam ntur neh mpeh Biển Đông ndŏ nau mpeh nau tâm phong đah Phi-lip-pin ndrel Trung Quốc. Nau ton lah ndŏ luh tâm măng 12/7, Kruanh n’gâng kan nchră nau Australia Marise Payne lah rjăp, nau ntrŭnh bah Ngih phat dôih mpeh Biển Đông bah rnôk aơ 5 năm tâm di đah nau ton bah Liên hợp quốc mpeh Luật dak lêng năm 1982 nkre lah rjăp ngih phat dôih hŏ ndŏ luh nau ntrŭnh rjăp ndel dơi geh nau tâm ban mpeh nau phong lah đah Phi-lip-pin ndrel Trung Quốc. Chính phủ Australia hŏ mro kuăl jă ăp ding râng tĭng nau ntrŭnh bah Ngih phat dôih yor aơ lah nau kơt tĭng luật pháp lam nturr neh lah nau dơi ân đăp mpăn, nâp nâl mro mrăng tâm nkuăl./.

Nŭih rblang: H’Thi