VOV4.M’nông – Ăp dak phương Tây tâm nĕ geh Australia dôl dŏng lĕ nău dơi gay ndơ̆ lơ âk nuĭh ƀon lan n’hanh nuĭh geh sam ƀŭt hăn dak bah dih luh sĭt dak Afghanistan hô ơm lơ uĕh. Yơn lah nău trơn aơ dôl mâp âk jêr jŏt rnôk nu nău rnă njrăng wăr tach ndeh păr Hamid Kazai dơi an lah dŭt klach. Australia mhe kuăl jă nuĭh ƀon lan mô tât nkual aơ. Nar 26/8, Thủ tướng Australia Scott Morrison an gĭt, tât aƀaơ, dak aơ lĕ ndơ̆ geh nklăp 4000 nuĭh geh nuĭh ƀon lan Australia nuĭh ƀon lan ăp dak êng đŏng, tâm nĕ geh ăp nuĭh ƀon lan Afghanistan luh sĭt Kabul, âk rlău 3 tơ̆ rnoh nchrăp bah năp nĕ. Bôl nu nău rnă njrăng ta nkual tach ndeh păr Hamid Kazai hôm e dŭt klach yơn ăp rmôt tahen bah Australia hôm e tâm rgop đah ăp nuĭh kan ndrel, gay trơn tay âk nuĭh ngăn dơi luh sĭt Afghanistan bah năp nar 31/8.

Nŭih rblang: Y Sưng Phê Ja