VOV4.Mnông-Lôch rnôk công ty ƀư dak si Pfizer mbơh mpeh nău Vaccine njrăng Covid-19 bâh ntŭk kan aơ đăp mpăn n’hanh geh săk rnglăy đah oh kon se bâh 5 tât 11 năm deh, nar 21/9, Australia lĕ mbơh pơk kơl an nău chuh Vaccine aơ an oh kon se ba dâng 12 năm deh bâh dŭt năm aơ. Chính phủ Australia mhe kơl an công ty ƀư dak si Pfizer ndơ̆ dăn săm ƀŭt gay ma dŏng Vačcine njrăng Covid-19 an oh kon se bâh 5 tât 11 năm deh ta dak aơ. Wa bu ur Alison McMillan, Giám đốc mât chăm n'hanh ut deh bâh Australia lah na nê̆, Australia geh 60 rkeh dĭng Vačcine njrăng Covid-19 bâh Pfizer yor nĕ geh tŏng gay ma chuh Vačcine an ăp nuĭh bâh 5 năm deh let lơ, geh nđâp ma dĭng dak si n'hao dăng săk soan mbra dơi geh tâm let năp tay.

Nuĭh rblang: Thị Đoắt