VOV4.Mnông- Nar 15/10, n’gâng kan bang New South Wales bâh Australia lĕ geh mbơh nău ntrŭnh pơk mpông n’har bri lam ntur neh ta bang aơ, tâm nĕ geh ntŭk kan lah nkuăl ƀon têh Sydney ntơm bâh nar 1/11 tay. Nău ntrŭnh geh ndơ̆ mbơh rnôk ma rnoh chuh tŏng 2 nglai vac xin njrăng Covid-19 ta bang aơ mbra geh 80% nuĭh tŏng bâh 16 năm deh let lơ. Bang New South Wales lah ntŭk bôk năp bâh Australia pơk mpông n’har bri lam ntur neh bâh nar 1/11 tay. Mô dơn kơt nĕ, bang aơ hôm nha nklơi jăng lĕ rngôch nău ntrŭnh an gŭ nkhah êng ta khách sạn tâm ban kơt an gŭ nkhah êng ta jay gay ma bah hoach prăk an ăp nuĭh n’hanh đă ăp năch dak bah dih tât ta bang aơ pâl nđaih. Yơn lah, gay ma dơi lăp tât ta bang aơ rĭ ăp nuĭh an geh lôch chuh tŏng 2 nglai vac xin ma tâm nĕ lah geh sƀ kơp dơn lôch chuh 2 nglai vacxin njrăng Covid-19 geh Australia kơp dơn. Nău tal 2 lah geh sƀ xét nghiệm PCR mô geh ntưp đah covid-19.

Nuĭh rblang: Thị Đoắt