VOV4.Mnông- Tâm nău nsrôih ntrôl nău tâm boh kan đah ăp dak ta nkual, Australia nchrăp n’hao nău tâm boh kan đah Hàn Quốc. Nău mbơh aơ mbra geh ndơ̆ mbơh ta rơh tât khâl Australia tât tay bâh Tổng thống Hàn Quốc Mo on Jae In. Thủ tướng Australia Scott Morrison lĕ mbơh an gĭt bâh nar 12 tât 15/12 tay, Tổng thống Hàn Quốc Mo on Jae In n’hanh i ur mbra tât khâl Australia tâm rnôk ăp nău kan kahgĭt 60 năm nar bar dak njêng nău tâm boh kan ndrel. Ta rơh tât khâl aơ, bar hê nuĭh leo kan mbra ký du nău mbơh n’hao nău tâm boh bar ding hao lĕ rngôch. Thủ tướng Morrison lah na nê̆, nău Australia n’hanh Hàn Quốc n’hao nău tâm boh hao du njoat mhe lĕ rngôch nkoch nău kan têh kuăng, nău kan mhe bâh tâm boh tâm kơl n’hanh tâm nđur ƀon lan 2 dak, tâm ban kơt nău ŭch mpeh nău tâm kơl na nê̆ lơn đah bar dak tâm rnôk let năp tay.

            Nuĭh rblang: Thị Đoắt