VOV4.Mnông-Ntŭk kan mbơh tơih nău Australia măng nar 17/10, ta pơh aơ, dak aơ ntơm pă săm ƀŭt kơp dơn lôch chuh vaccine  đah ăp dak bah dih an ăp nuĭh lĕ lôch chuh vaccine njrăng Covid-19 ta Australia. Aơ lah ngoăy tâm âk njoat hăn nchrăp an nău Australia pơk tay mpông n’har bri đah âk dak bah dih. Na nê̆, ntơm bâh nar bar, chính phủ Australia mbra pă săm ƀŭt kơp dơn lôch chuh n’gang đah âk dak bah dih an ăp nuĭh lĕ lôch chuh vaccine  njrăng Covid-19 ta dak aơ. Săm ƀŭt kơp dơn đah âk dak bah dih mbra geh tâm rgop đah tài khoản bâh ăp nuĭh ta trang myGov n’hanh ăp nuĭh mbra dơi lăp uănh gay ma mât êng tâm điện thoại nơm mô lah ngluh ma săm ƀŭt. đah ăp nuĭh mô di lah nuĭh ƀon lan Australia, săm ƀŭt kơp dơn lôch chuh đah âk dak bah dih geh tâm rgop đah hộ chiếu bâh ăp nuĭh. Tĭng rnoh kơp geh n’gâng kan dak si Australia mbơh, tât aƀaơ lĕ geh 84,6% nuĭh bâh 16 năm deh let lơ ta dak aơ geh chuh 1 nglai vaccine  njrăng Covid-19, tâm nĕ geh 67,9% nuĭh lĕ chuh tŏng 2 nglai vaccine.

Nuĭh rblang: Thị Đoắt