VOV4.M’nông: Tâm rơh rƀŭn tal 12 bah Uỷ ban ƀư nau kan kơl an bah Singapore mhe geh ƀư đah nau kan trực tuyến, ăp kruanh n’gâng kan bah bar dak hŏ ndrle tâm pă mbơh nkoch ăp nau kan đah nkuăl Ấn Độ Dương-Thái Bình Dương. Rơh rƀŭn geh nau râng bah Kruanh n’gâng kan nchră nau, neh dak ndrel tăch rgâl bah Australia ndrel đah ăp nŭih ndrel gưl kan Singapore. Ăp kruanh n’gâng kan hŏ ndŏ luh nau ton lah nsum geh 21 điểm, tâm nê lah rjăp, bar ding mra ntrŭt dăng ăp nau nkô̆ nau tâm boh bar ding tâm nau tâm boh kan nsum ăp nau kan, tâm nê geh ăp nau kan mhe ntoh, geh n’ăp ma jâng văng sa ndrih ndrel nau kan tơm prăk, nau ƀư kan ndrel công nghệ. Bar ding ton mra mât nau tâm boh tâm nau kan neh dak, tâm nê Singapore mra lŏ pă nau kơl an ndeh mpăr ndrel duk tahen bah Australia pah kan tâm nkuăl./.

Nŭih rblang: H’Thi