VOV4.M'nông: Nar 6/10, lĕ ma Australia n'hanh New Zealand ndơ̆ luh nău mbơh an gĭt da dê bar dak dja đă mpôl tahen râng rơh nti tahen lam ntŭr neh ta Bersama, ƀư ta nkual dak lêng bah Singapore n'hanh Malaysia n'hanh du gâl bah Biển Đông. Nkhêp nkah ndray 50 năm njêng Hiệp ước Phòng thủ Ngũ cường, 5 dak lăp kan nsum bah Hiệp ước lah Anh, Australia, New Zealand, Singapore n'hanh Malaysia mbra ƀư nti tahen dak bah dih geh moh BERSAMA GOLD 21 ntơm bah nar 8-16/10/2021. Rơh nti tahen mbra ƀư ta dak lêng n'hanh kalơ trôk. Tĭng nău mbơh bah Bộ quốc phòng Australia, rơh nti tahen dja mbra ƀư ta Singapore, Malaysia n'hanh du gâl bah dak lêng Biển Đông. Bộ quốc phòng New Zealand an gĭt, rơh nti tâm lơh dơi ƀư gay n'hao dăng tâm dâl n'hanh rdâk têh dăng tay tâm boh./.

Nuĭh rblang: Điểu Thân